■ وحشتينى وأنا ف حضنك.. ومش قادر على حزنك.. ولا قادر أشوف الليل.. بيقطع حتة من غصنك.. بتتبدل سواقى النيل.. ولا فايض ولا بيسيل.. ويبكى الورد فى البستان.. ماكنتش يوم يا نهر بخيل.. ولما ضن أولادك.. فاتونا نشتهى زادك.. ومهما غربونا سنين.. بنرجع تانى فى ميعادك.. وحشتينى وباتألم ودمعة عينى بتسلم.. على صورة وطن وشهيد.. وصوت ماقدرش يتكلم.. كدة يا مصر سيبتينى.. أحارب فى طواحينى.. وبارجع كل يوم مهزوم.. ومبترضيش تواسينى.. أنا المسكون بأحلامك.. وأنا المسجون ف آلامك.. وأنا آخر قلم مجروح.. أنا عبدك وخدامك