هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
حب الى الابد
والله نورتِ المنتدي من جديد يـ{زائر}.
ادارة المنتدي: اهـلا ومرحــبا بك معنا نورتنا بزيارتك الجميلة وزودت شوقنا ولهفتنا ع مشاركاتك ومواضيعك اذا كانت هذه هية زيارتك الاولي فيتوجب عليك التسجيل لتكون عضو معنا وتتمتع بكل مميزات العضوية المجانية (اضغط هنا للتسجيل) اما اذا كنت قمت بالتسجيل مسبقا فيتوجب عليك الدخول بكتابة اسمك والرقم السري. شكرا.ً
مشكلة كبيرة اوي عندنا اسمها الاشاعات واضررها كبيرة جداااااااا اشاعة واحدة كفيلة انها تفلس رجل اعمال انها تدمر بلد بأكملها وتهدد أمنها واشاعة واحدة بردوة كفيلها انها تعمل العكس معقولة الكلام دة اة معقولة خلونا نشوف الاشاعة ممكن تعمل اية نشوف الايجابيات الاول وبعدين السلبيات.
1-اكيد كلنا نعرف رجل الاعما المشهور حسام ابو الفتوح ودة طبعا كان واخد توكيل مرسيديس بعد المشكلة الى حصلت معاها التوكيل اتسحب منه المهم الراجل خلص مشاكلة وعاوز يشتغل بقي يعمل اية سافر ع الصين واتفق ان هوة هينزل دفعة عربيات جديدة اول مرة تبقي موجودة فى مصر واسمها إسبرانزا اية ياعم انت مجنون ولا اية بعد المرسيديس هتشتغل فى صيني وكمان اول مرة يتعمل محدش يعرف عنه حاجة لالالا دانت ناوي تفلس باين عليك . بس حسام ابو الفتوح كان ذكي وعرف يستغل الاشاعات لصالحة لما نزل العربية الصيني بتاعتة طلع اشاعة ان العفشة بتعتها تيوتا والموتور لانسر وان الصالون من جوة مرسيديس والامكانيات الى فيها زاى البي أم والاشاعة انتشرت واول دفعة اتباعت والتانية والثالثة لحد اما أول تاكسي ابيض طلع فى مصر كان إسبرانزا ودلوقتي اي حد يشوف عربية صيني يقول عليها إسبرانزا شوفتوا إشاعة واحدة بس عملت اية ..
2-إمبارح انا كنت فى منطقة اسمها النهضة امبارح دة الى هوة 25/01/2013 اتحركت من هناك حوالى الساعة 10 تقريبا ركبت الميكروباص وكنت قاعد جمب السواق قدام خلاص السواق حمل عرابيته واتحركنا بعد مامشينا بحوالى 10 دقايق تقريبا وكنا خلاص قربنا نطلح الدائري قابلنا سواق تانى وشوار للسواق انت رايح فى ياعم دة الدنيا خربانه ع الدائرى وناس بتموت وضرب كان معانا سيدات فى العربية راحوا قايلن لا ياسطي على جمب نزلنا نزلت الناس واتفضل فى العربية انا والسواق وشابين تانى لحسن الحظ ان السواق اصلا لازم ينزل لانه مش من الهنضة قال طيب نعمل اية ياجماعة دلوقتي قولتلة ياسطي اوتكل على الله وماتقلقش مفيش حاجة ان شاء الله المهم طلع السواق وطول الطريق حاطيت ايدة على قلبة لحد اما وصلت البيت ومكانش فى اي مشكلة ع الطريق خالص طيب مش دي اشاعة بردوة الناس الى نزلت دى كل اما يشوفوا حد هيقولوله اية وتفضل تنتشر تنتشر لحد اما طلاقي اعلامي كل همة نشر اي حاجة وخلاص طالع يقولك كان فى كذا وكذا وكذا وحصل كذا وكذا كل دة بسبب إشاعة كل ناس شعب بأكمله ممكن يعيش فى رعب بسبب إشاعة واحدة انا مش بتكلم فى السياسة خالص انا بكلم فى الاشاعات بلاش ياجماعة حد فينا يقول كلمة غير لو واثق منها جدااا لان كل كلمة بتتقال بيترتب عليها حاجات كتير اوووووووي الناس الى عاوزة تكون مدربين تنمية بشرية انت بتخاطب عقول الناس خد بالك من كل كلمة خد بالك من كل معلومة بتقولها الموضوع خطير اوووي الفكرة مش كلمة انا بقولها وخلاص او معلومة سمعتها وبرددها لا فكر فى كلامك قبل ماتقوله افهم ان الكلمة الى هتقولها ممكن تلف مصر كلها ممكن تلف العالم كله كمان وياريت كلنا نتذكر قول الله تعالى (يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ).
معلش طولت عليكم بس كان لازم اتكلم فى الموضوع دة لو شايف الموضوع مفيد انشرة ليستفيد منه اكبر عدد ممكن من الناس وفى الختام اشهدكم جميعا أنى احبكم فى الله بقلم : محمد إبراهيم
موضوع: لا للاشاعات 
28.01.13 12:41
by