افكار جديده لرمضان
فهذا الشهر
يعتبر من اكبر فرص الانسان فى الدنيا
ًلأنه كله مكاسب وليس فيه خساره ابدا
وتذهب الناس الى فعل الخير
وياريت تعمل كده فى الفيس ومع اصحابك ومعارفك كما
نحقولك بقى على كام حاجه كده...........
أولاً_
ادعو اصحابك
وفى الفيس اكتب على صفحتك
وفى المجموعه عن ياريت لو تجمع كام... صاحب ليك كده
وتشترو شويه فوانيس على قدر المستطاع
وممكن من الصغيره خالص حتى لو اللى 2 جنيه
وحاجات حلوه وتروحو الى مستشفى حكومى للاطفال
فى اول يوم رمضان
علشان تدخلو الفرحه على قلوب الاطفال المريضه
وهما اصلاً أهلهم مش بيجيبولهم الحاجات دى
فأكيد هيفرحوا بيها
و تدخل السرور والسعاده عليهم
كمان زيارة المريض صدقه
شوف بقى هتاخد حسنات قد إيه من
صيام و فعل الخير كمان زيارة المرضى وكلمه حسنه وطيبه
كل ده بيدى حسنات فى موقف واحد
وشوف بقى ثوابك عند ربنا
علشان ادخال السرور على قلب مسلم
وتخيل كمان انه طفل وكمان مريض
ربنا يارب يشفيهم
ويفرح قلبهم يارب
وكمان ممكن تزور أقسام تانيه للمرضى
مش شرط الأطفال
اللى ربنا يقدرك عليه كإنسان
تحب فعلاً الخير
ياريت تعمله المستشفيات فيه حالات كتير تصعب بجد
على أى انسان صدقونى
وكمان فى نفس الوقت ده
يعتبر عظه لاننا ممكن وعادى ومن السهل جدا يحصل لاى حد فينا كده ونبقى مكان الناس دى
ونفس الحكايه لدار للايتام
.
ًثانيا_
المساجد
أرجوك و أرجو الناس كلها
تهتم بيها
يعنى لو فى جامع جنبيكم السجاد محتاج للكنس روح أكنسه
مافيهاش اى حاجه من تواضع لله رفعه
او حتى قول للمشرفين على الجامع ينضفوه او يهتموا بيه
لان المساجد بيوت الله فى الارض
وياريت نجيب بخور أو عطر ونحطه فى الجامع
علشان الناس تصلى وهى مستمتعه بالصلاة
وكمان الرائحه حولها تكون جميله
وفى كمان معطر للسجاد
زى ماء ورد أو مورد بيبخ على السجاد
بيتباع فى اماكن كتير ومش غالى
ياريت الناس تجيبه وترشه على السجاد
أول يوم رمضان
أو ممكن نعلق صور وارشادات من القرأن والسنه
لتبين فضل الصيام والصلاه
وكيفية الوضوء هذه كلها أعمال صالحه
المياه ؛ _
هات كولدير مياه أو عصائر او ثلج زجاجات مياه فى الثلاجه
وحطها فى الجامع لما تروح تصلى المغرب و التراويح
ان شاء الله وحط بجانبها كام كوبايه بلاستيك
علشان الناس بتكون عطشانه جداً
وكمان الجو بيكون حر وخصوصاً
ربنا يقدرنا على أيام الصيف ده إن شاء الله
.ما تنساش تعمل افطار صائم
وكمان سحـــــــــور
فعلاً ممكن تشترك أنت
ومجموعه من أصدقائك والاقارب وتجيب سحور فى المساجد
وممكن تعملوا وجبات وتوزعوها وقت الافطار على طرق المواصلات فى السيارات وللمسافريين
تخيل انت بتتسبب فى افطار كااااام شخص فى كم حسنه
فى اسقاط كم سيئه يااااااااااااالله
ليه الناس بتهتم بالافطار
وبتغفل عن السحور
رغم انه ثوابه كبير
وكمان مهم جداً للصائم
هات فرخه او لحمه وشوف حتجيب اد ايه
ووزعهم على الناس لان الفقراء بيفرحوا
جدا بالفراخ واللحمه أكثر من الرز والمكرونه
و الكلام دا
ويقدرو يطبخو عليها اللى هما عاوزينه
أو ممكن تجمع ليهم فلوس بيبقوا أحيانا فى أمس الحاجه ليها
بالنسبه للسحور هات زبادى وفول وبيض وعيش
ووزعهم فى السحور حاجات عاديه جداً
بس فرحتها و أنت بتعملها جميله جداً
تخيل كاااام السعاده اللى انت هتبقى فيها
كمان أدعو الناس الى الصلاه على الحبيب صلى الله عليه وسلم
واتباع سنته اعمل ورقه
واكتب فيها كام صيغه للصلاه على الحبيب ووزعها فى الجامع
..........................مصاحف ؛_
شوف لو فى حد محتاج مصحف او جامع او طفل صغير
يعنى مش صغير اوى علشان يكون بيعرف يقرأ
وهاتلو مصحف هدية
حيفرح بيه اوى
وممكن دا يشجعه على القراءه فيه
..........................اذهب الى مستشفى حكومى
و روح الى الاخصائى الاختماعى
واسأل عن ناس
تكون حالتها صعبه
ومحتاجه للدواء
او محتاجين دم
وحاول تساعدهم
يعنى دى شويه افكار تنفذ منها اللى تقدر عليه واشرك اصحابك
واقاربك معاك وكمان اعرض الافكار على اصحابك واقاربك وكمان على الفيس
فالدال على خير كفاعله
ان الله لايضيع أجر من أحسن عملا
فى النهايه
اللهم تقبل منا ومنكم صالح الاعمال
ويبلغنا رمضان